منتديات الحصاحيصا

منتديات الحصاحيصا (http://www.alhasahisa.org/index.php)
-   المنتدى الأدبي الثقافي (http://www.alhasahisa.org/forumdisplay.php?f=12)
-   -   ده ماسلامك (http://www.alhasahisa.org/showthread.php?t=12215)

محمد ابوعمر 11-27-2017 02:50 PM

ده ماسلامك
 
ده ما سلامك
ولا الكلام الكان زمان
هسي كلامك
والا يعنى نويت تسيبنا
وفي الخريف تحرم غمامك
وده ما سلامك



جينا بعد الفرقه نسأل قلنا
نلقى محنه عندك
نحكي ليك عن ليل شقانا
وعن متاهات نجمو بعدك
نحن سالمناك بطيبه وياما
بكى عيونا ردك
وليه زمان اديتنا ريده
وجيت حرمتنا تاني ودك
وقلبنا الجرحت خاطرو
برضو ما قادر ملامك
وده ما سلامك



كنا قايلين بي ورأنا إنت
زينا طاري ديمه
وكنا قايلين نحن عندك زي
عيونك لينا قيمه
قلنا تتلقانا إنت والزهور
تحضن نسيمه
إلا ريدك تاري روِّح وعدي
فات زي كل غيمه
جينا ليك بالأبتسامه إلا ما
لقينا ابتسامك
وده ما سلامك



جينا شايلين ليك فرحنا
وكان عشمنا تزيدو حبه
تطرى ناس فاقدين
عيونك وبي وراك ما خلوا غربه
قلنا ننسى تعب سفرنا بي
ليالي معاك أحبه
جينا ما لقينا في عيونك
ذكرى ساكت للمحبه
شلنا شوقنا رجعنا بيهو
وما ندمنا على سلامك
وده ما سلامك


الساعة الآن 06:08 PM.

Powered by vBulletin® Version 3.8.7
Copyright ©2000 - 2018, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012