آخر 10 مواضيع
زفة المولد (الكاتـب : - مشاركات : 1 - المشاهدات : 47 )           »          كل عام وانتم بخير (الكاتـب : - مشاركات : 0 - المشاهدات : 571 )           »          المنتدي يفتقد عضويته (الكاتـب : - مشاركات : 0 - المشاهدات : 647 )           »          فاتونا (الكاتـب : - مشاركات : 0 - المشاهدات : 443 )           »          حظي أغرب حظ أشوفه.. ا (الكاتـب : - مشاركات : 0 - المشاهدات : 497 )           »          كيدي العوازل (الكاتـب : - مشاركات : 0 - المشاهدات : 398 )           »          صباحكم قشطه (الكاتـب : - مشاركات : 0 - المشاهدات : 462 )           »          اليوم التاسعه مساء علي الجزيرة (الكاتـب : - مشاركات : 0 - المشاهدات : 3251 )           »          ده ماسلامك (الكاتـب : - مشاركات : 0 - المشاهدات : 2848 )           »          الفهم قسم (الكاتـب : - مشاركات : 0 - المشاهدات : 3050 )





إضافة رد
قديم 11-16-2016, 10:24 AM   #1


الصورة الرمزية منتصر حسن كيرك
منتصر حسن كيرك غير متواجد حالياً

بيانات اضافيه [ + ]
 رقم العضوية : 517
 تاريخ التسجيل :  Dec 2012
 أخر زيارة : 05-29-2018 (12:12 PM)
 المشاركات : 338 [ + ]
 التقييم :  181
 اوسمتي
درع الابداع 
لوني المفضل : Cadetblue
Icon1014 قرار رفع الدعم



قبل قرار رفع الدعم في بيتنا كان في 11 كديسة ياكلو ويشربو معانا في امانة الله تجي داخل بيتنا تقول منتخب بتاع ناشئين مكان تخت فيهو رجلك مابتلقاهو
رفعو الدعم بي جاي ابوي رفع الدعم من البيت
اللحمة كان بجيبها كل يوم نص كيلو
نحنا نشبع وكدايسنا تشبع وكلاب الحلة تشبع
من مارفعو الدعم جاب للحجة اتنين كيلو
قال ليها دي حقت الشهر تتصرفي معاهم
تاكلو ها في يوم تاكلوها في شهر مخيرين في نفسكم
وايااااك ثم اياااك من الكفتة والشية
بتاكلوهو في يوم انا ماعندي معاك شغلة
اللحمة بتشوفيها تاني الا بداية الشهر
نطيت انا
شنوووو ياحاج نظام الميقابايتات بتاع زين دة شنو اتنين قيقاة في الشهر اقصد 2كيلو في الشهر دي تكفي منو
قال لي اسرق ولا ناكل حلال
قلت لي ناكل حلال
قال لي خلاص قدر قروشي
وامي تعجبك مسكت الاتنين كيلو بتاعت اللحمة دي قسمتها علي تمنية كيمان
كلو كوم فيهو اربعة لحمات ودخلتهم في اكياس
وزعتهم علي ايام الشهر يوم لحمة تلاتة يوم اوف
كدة الشهر انتهي وان شاءالله مايجي ضيف يخرب لينا الجدول
تشوف امي بتوزع في اللحمة تحلف تقول
قرعة كاس العالم
وبي الطريقة دي الكدايس بقي ماف ليهم طريقة عيشة معانا
في اسبوع واحد طفشو عشرة كدايس ومعاهم خالد
بالعافية جبناهو راجع خالد
صراحة ما استحملو الوضع لانو الاكل بقي لايصلح للكدايس خلي البني ادمييين
فضلت لينا كديسة وااااحدة
والحال بقي من سيئ للاسواء الكديسة الواحدة دي قررت تقعد وتتعايش مع الظروف
تديها بليلة تاكلها تديها مديدة تشربها
تجدع ليها عجورة تسمعها كرروم كروم كروم تاكلها
نحنا الموضوع عندنا عادي
بس ناس الحلة عرفو
واي زول يشوفها يقول
سبحان الله كديستكم بتاكل عجور
وبقت فاضحانا في الحلة
اي زول يجينا داخل صحي كديستكم بتاكل عجور
اي بتاكل عجور
والزول يجينا بي عجورتو
يجدعها ليها وهي تقرمش
والموضوع بقي مسلي
امي تمشي الجبنة النسوان
يشغلوها ليها حجة علوية وينها كديتسك البتاكل عجور
قاعدة
ياااخ جيبها
يرسلو ليها ويجيبوها
يجدعو ليها العجور تاكلو الموضوع فات الحد وصرااااحة خفت علي الكديسة من اكل العجور تتحور ولاتتحول
وتنتج لينا فصيلة جديدة من الكدايس
مسكتها وقعدتها جنبي
وعملت فيها مدربة تنمية بشرية
وقلت ليها (انتي كديسة ودور الغنماية الخاشة فيهو دة ما من مصلحتك
خلي ثقتك كبيرة وطلعي الطاقة الجواك
اتخلصي من طاقتك السلبية وباستطاعتك العودة وتحقيقة اهدافك وتاكدي انو المستحيل
هو الشماعة التي يعلق عليها الفاشلين فشلهم)
تلاتة ساعات شغال معاها نقة
وفعلآ نجحت معاها ومن الصباح بقت تكوس في الفيران واللحمة
يجدعو ليها عجورة ماتأكلها
وياريتني خليتها في عجورها دة
وبقت شرررسة اي فار جازفتو حقنا ولا حق الحلة
ماخلت فار حايم
وفي يوم ابووووي بعد مجهود جبار
جاب لينا كبدة قال نغير شوية
والبيت كلو فرحان حناكل كبدة حناكل كبدة
قوووووومي يا الكديسة شيلي الكبدة
واجرررري بيها
والبيت كلوووو وراها
امي قالت اكتلوها بس اكتلوووها العواليق
بتاعت العجور نست نفسها متييين بقت كديسة
اقتلوووووها
وتعال شوف الطوب والفليق لمن حست بالخطر رجعت الكبدة ووقفت في الحيطة
وهزت راسها واعتذرت ودنقرت راسها
وفي اثناء ماهي مدنقرة جاتها طوبة جابتها في الارض فرفرت وفرفرت وفي النهاية
قامت وعرفت انو مافي ليها وجود في بيتنا
ومن ديك تاااااني ماشفناها
تخريمة..
وعن الزول البرضي بيك بي كل عيوبك
وبحاول يتعايش معاك بي كل سلبياتك
وظروفك السيئة وفي النهاية يغلط معاك غلطة وحدة غلطة وحدة بس
ماتغفرها ليهو
وتنسي انو استحملك في كل اوقاتك




 
 توقيع : منتصر حسن كيرك



رد مع اقتباس
إضافة رد
مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع

المواضيع المتشابهه للموضوع : قرار رفع الدعم
الموضوع كاتب الموضوع المنتدى مشاركات آخر مشاركة
الي الدعم الفني محمد ابوعمر المقترحات والشكاوي 0 07-05-2012 06:06 AM
رفع الدعم وليد مبارك خرومى المنبر الحر 3 06-17-2012 01:35 PM
رفع الدعم عن السلع بكري حاج احمد المنبر الحر 3 03-24-2012 08:20 AM

الساعة الآن 07:33 AM.

Powered by vBulletin® Version 3.8.7
Copyright ©2000 - 2018, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
منتدى الأدب والفنون