آخر 10 مواضيع
اليوم التاسعه مساء علي الجزيرة (الكاتـب : - مشاركات : 0 - المشاهدات : 53 )           »          ده ماسلامك (الكاتـب : - مشاركات : 0 - المشاهدات : 76 )           »          الفهم قسم (الكاتـب : - مشاركات : 0 - المشاهدات : 70 )           »          ﻣﻨﻮ ﺍﻻﺩﺍﻙ ﺟﻮﺍﺯ ﻟﻠﺤﺐ؟ (الكاتـب : - مشاركات : 0 - المشاهدات : 149 )           »          خواطر (الكاتـب : - مشاركات : 0 - المشاهدات : 181 )           »          الدورة التدريبية مستشار الإدارات القانونية (الكاتـب : مى محمد احمد - مشاركات : 0 - المشاهدات : 207 )           »          اسأل نفسك (الكاتـب : - مشاركات : 0 - المشاهدات : 367 )           »          الســــــــــلام عليكـــــــــــــــــــم (الكاتـب : - مشاركات : 0 - المشاهدات : 344 )           »          خمسون قاعدة (الكاتـب : - مشاركات : 0 - المشاهدات : 276 )           »          الدورة التدريبية إعداد الموازنات الحكومية والحسابات الختامية (الكاتـب : مى محمد احمد - مشاركات : 0 - المشاهدات : 291 )


 
العودة   منتديات الحصاحيصا > «۩۞۩-المنتدي العام-۩۞۩» > ديوان الحصاحيصا > من الفيس بوك والواتساب
 

من الفيس بوك والواتساب قسم يهتم بالفيس بوك والوتساب

إضافة رد
 
أدوات الموضوع إبحث في الموضوع انواع عرض الموضوع
قديم 10-31-2017, 05:59 PM   #1


الصورة الرمزية محمد ابوعمر
محمد ابوعمر غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Oct 2010
 أخر زيارة : 12-03-2017 (05:15 PM)
 المشاركات : 50,970 [ + ]
 التقييم :  413
 الدولهـ
United Arab Emirates
 الجنس ~
Male
 MMS ~
MMS ~
 اوسمتي
ملك الحصريات  أوفياء المنتدي  درع التميز  درع الابداع 
لوني المفضل : Mediumblue
Laughtz خواطر



واحده بتحكى قالت : كنت بجكس بالتلفون وآخر حنك الساعة 3 ص ..!
مرة كنت بتكلم بالتلفون مع زولي ، ..! طبعا ماكان حبيبي بس بفرق لي ساكت وبتونس معاه " حالياً زوجي 😬" !
هو عايش في "الأرجنتين Boins Airs وانا عجبتني فكرة الأرجنتين قلت أشوف حنكو شنو 😏😏
وصحباتي الشريرات كتر خيرهم شجعوني علي الفكرة .. اصلا انا ما كان عندي إنسان في حياتي ولا بحب الارتباط زاتو ومليت من حنك الأولاد الواحد ده .. قلت تاني بعرس بس
المهم
أبوي طبعاً النوع البمشي بدبا زي النمل مابتسمعي اي صووووووت ..ولا تقولي بزحف في الصحراء ماشاءالله عليه ربنا يديهو العافية !!
المهم وقف ورأي وسمع اخر كلمة قلتها ربنا يخليك لي يا أغلي من أمي وأبوي 😂😂 "عارفة نفسي إتلومت واتكومت في الجملة دي بس عارفين لمن الحنك يسخن وتفقدي السيطرة والاموشنات تكتر عندك " بعد قفلت الخط ولقيتو واقف ورااااي جاني شلل رعااااشي وحسيت دمي زاااتو الشريان بقي ليه ضيق ...
قال لي ده منو الغالي ده الاكلك وشربك ورضعك وقراك جامعة وللحظة دي بصرف عليك وآخر شي اداك الصباح قروش الامتحانات 2 مليون ونص يابنت الكلب ...
حسّيت نفسي ح ادخل في غيبوبة ورديت
قلت ليه اخخخخ اخوي اخووووي مصطفي 😢😢 طبعا " اخوي الكبير" .. قلت ليه اخوي مصطفي يا بابا في غيرو ..
انت عارف انا بحبو قدري شنو وماعندي غيرو ❤
طلع اخوي مصطفي زاتو واقف من وراء الباب وبتصنت ومنتظر ردة فعل أبوي عشان ينورني بي ردتو هو ..شوفتو حبل الكذب " ده خيط عديييييل"
وأنا أهلي طبعا النوع الراقي الما بمد يدو علي المرة بس بتكلم معاها براحة .. وطبعاً ومن يومهم غيرو النظرية دي وبقو دقاقين قطن عدييييل كدة 😂😂
المهم اخوي اداااني كف خلي ضرس العقل زاااااتو يفقد المنطق ☹
مثلت إني أغمي علي ووقعت في الواطة .. قام اداني كف تااني قمت علي حيلي طواااالي وقلت ليه واعية انا والله العظيم بس خلينا نتفاهم 😂😂 ..
قال لي ده منو .. قلت ليه واحدة كدة لكن جادي والله العظيم ! قام تاني ظبطني بي كف !!
قلت ليه ياخ حرام عليك يا اخوي وحضنتو ليك عشان أحنن قلبي شوية .. قام طيرني هناك رماني خشيت تحت السرير !
واحلي مافي الموضوع أبوي واقف زي البحضر في فلم هندي بطولة أميتاب باتشن ☹☹
قام اخوي جراني من تحت السرير من شعري " شعري ده ما واصل كتفي زاتو عشان ماتسرحو بعيد .. يداب كنت شغالة فيه بيض بي زبادي عشان يزيد حبة واخوي لحق معطوووو تاني"
قام سألني :- انتو بتحبو بعض ... " قلت ياسلام اخوي رجع الانسان المتعلم البرستيج الفاهم "
ورديت :- أيوة طبعاً شديد كمان ... قام اداني شلووت أنسو بس
قلت هوي يا سحر .. الموضوع ده من كفوف إتطور .. قفلي واسكتي ..!
قام الكاشف سعيد الحظ ارجع لي تاني بي مكالمة 😕😕
الليلة وووب علي ......! أبوي قال لي أساعدك لأَنِّي ما أظن بعد الكفوف دي تكوني قادرة تردي !! وفتح لي الاسبيكر 😅😅
قلت ألووو 😐😐
قام ولد اللزينة قال لي :- ما اشتقت لي !
قلت ليه انت منو :- قال لي أنا الاغلي من أمك وأبوك 😅😅 لحقتي تنسيني بالسرعة دي يامجرمة
....! وااااااي انا اتمنيت فجاءة يجي زلزال ويخمني لي تحت الارض .. " انا اهلي بثقو فيني شديد وبضربو بي المثل في اي شي " قلت خلاص انتهيتي يا سحر
قال لي انتي صوتك مالو :- بتاكلي ولاشنو 😂😂
قلت في قلبي " تاكل السم علي يومك علي يوم العرفتك.. اي ماكلة شاورما كفوف ومعاها شلوت كمان "
قام أبوي قفل الخط وقال لي لو الزول ده صحي جادي زي مابتقولي خليهو يجيني ... وقامو مشووو
ضربت ليه طواااالي وحكيت ليه الحاصل :- قام قال لي هوي انا لسة صغير امشي حلي مشاكلك بعيد عني 😳😳
صدددددددددمني 😐😐
والحمدلله طلع بهظر وبعد أسبوع رسل أهلو وطلعو ناس كويسين وأبوي وافق ووعقدو طواالي وبعد سنة جا السودان وعرسنا 😍😍😍😍
ومن اليوم داك انا كل م أعاين لي أبوي أتحرج .. خصوصاً لمن يناديني ويقول لي " مرة الغالي" قصدو البقيتو أغلي منهم 😂😂
وهو ماعارف ده حنك ساكت 😁😁
والحنك طلع بي نتيجة 😅😅
وهسي انا بقيت أم محمد والسيد الغالي سبب الكفوف أبو محمد ..!
طبعا انا كان اول مره في حياتي يضربوني اهلي وكان بي سببو 😅 ..

*منقول* ..



 
 توقيع : محمد ابوعمر

مواضيع : محمد ابوعمر



رد مع اقتباس
إضافة رد

مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
خواطر فتاه محمد ابوعمر روايات وقصص 15 09-09-2016 12:30 PM
خواطر محمد ابوعمر ديوان الحصاحيصا 0 12-08-2015 10:21 AM
خواطر محمد ابوعمر ديوان الحصاحيصا 0 11-09-2015 11:29 AM
خواطر ... خواطر محمد جعفر فضل المنتدى الأدبي الثقافي 19 06-23-2013 05:01 AM
خواطر فيل بكري حاج احمد منتدى الصوتيات والمرئيات 0 05-07-2011 07:31 PM




Powered by vBulletin® Version 3.8.7
Copyright ©2000 - 2017, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
مودي ديزاين , المصممه اميرة صمتي
Facebook