الفنان على ابراهيم اللحو

الفنان على ابراهيم اللحو

الأستاذ علي ابراهيم اللحو من القلائل الذين تميزو بتفردهم في اداء اغاني الحماسة ....ودوماً
ماتحمل اغانيه ذاك الطابع الجمالي ..الذي يجسد روعة الشعر السوداني من خلال تلك الكلمات
التي يتغني بها في روائعه

المصدر: منتديات الحصاحيصا

السماح يا غالي
السماح يا غالي
جينا طالبين السماح

السماح من زول حنين
يغفر الكان واللي راح

كل زول في عمرو غلطان
غلطه مكتوبه في جبينو
مهما يبعد عن طريقها
هي مربوطه بي سنينو
نحنا في حبك جنينا
ما إنت ليك الحق علينا
لو قبلت المعذره
يبقى يادوب هم وإستراح

ياما قلنا فيك
حكينا ليك ليل المظالم
السماح طالبنو منك
تكون علينا عطوف وحالم
تهنا في الاقدار مشينا
عشنا غيرك غربه شينه
العيون بالحسره باكيه
والقلوب دايره السماح

الطريق السرنا فيهو
عدنا منو بالندامه
والحقيقه الضايعه بانت
عدنا لي بر السلامه
المسامح زول كريم
قلبو مفروش بالحنين
نحنا ما طالبين عتابك
جينا طالبين السماح

ما دام نسى العشرة

الفنان علي ابراهيم (اللحو)


ما دام نسى العشرة
واختار سوانا حبيب
خلينا لي الأيام
لو لي ضميرو حسيب


******

قت ليهو يا مغرور
ليه الجفا والتعذيب
قال لي في عذرو
كلام غريب وعجيب
اتنكروا الاحباب
ما أصل المحبة نصيب
وما أظن أصيل وصميم
يبدِِل حبيب بي حبيب


******

وا ضيعة أيامي
ما بين ضنا وتعذيب
خلفت فينا جرح
محال يداوي طبيب
الحراقة نارو شديد
جميل رشيق فنان
ودَر عهود الريد


******

يا ظالم الوالاك
واخترت غيرو حبيب
وما بتدري للظالمين
يوماً عصيب ورهيب
نصيحة لي العشاق
من زول بحب ومجرِب
ياما في دنيا الحب
أهوال تخيف وتشيب

مناحه عمدة كلي
اب عاجات اللحو وكتين إزم وانتّر
إن جات الإلوف لا بضل ولا بفتّر
حوّد يا الخصم بغادي دربّو بضر
********************
اب رسوة اب هرش الضارب الوكرة
تمساح دار كلي بمرق مع الهجعة
أبو شما اللزوم كم درج العاطلة
هو الاسد المربعن دونو الرجال قاصرة
***************************
يا حليل اب جديري الفارس المنبور
يحرن في المحاصة وكت الحرابه تدور
في اليوم المشوّم تبقى الحجازة صقور
وبيهو بِيجبر الصف ان بقّت مكسور
************************
بجيب قولّن صحيح في ابويا ماهو شكر
مثبوتات فضايلو ومافي من ينكر
اب زيد الهلالي زايد عليهو قدر
عباس تور قريش منو مابقصّر
زناد ان حركّو بقوم وما بفكّر
دايماً فاك ضراعّو وبيهو مابفشّر
***********************
رحل يا شما أبوك وقفّا خلا الدور
وأنحلَّ النظام الكان زمان معمور
بوجود ناس ابوي قبل العبوس ماتدوور
أنهدَّ الجبل واشتت المطمور
يا ابو زينب وراك اتكشّف المستور
************************
دابي القاش حليلو الفي المحاصة بِكُر
من شوفتو بتضل ناساً دقونن قُر
ان شاف الحديث زايد بقالّو كُتر
بشلح في الصفوف امات طبول وزمر
زي حمزة الجسور في يوم أحد وبدر
سم الصاقعة ابوي ياللخصم بدمّر
*************************
اب قدحاً سبيل مسا وصباح مجرور
ولي الضيفان يباشر ووشّو مامصرور
منو البمسك مكانك وإفهم المضرور
بِتراجع في المواشي وفي خِدمت البور
غرارة العبوس مابتلتفت لي زول
حُكم السيد نفد ما بنحجب مقدور
**********************
تمساح القيوف اللى العزول بتكيد
اب مسكاً يفوح يعم القريب وبعيد
يوم جاني الخبر اسفاً عليا شديد
ياعمدة كلي فرقك علينا صعيب
يا العمدة اب جديري فرقك علينا صعيب

قول لي يا طير الخداري
قول لي يا طير الخداري .. قول لي وحـــياة حبنا
وين رسايلك يا حــــليلا ... وين عـــيونك منــــنا
نحن ناس بنعيش حياتنا ... الغالية بالنية السليمة
وكل زول دايرين سعادتو .... بتشهد الايام علـــيمه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
يا حليل كسلا الوريفة ... الشاربة من الطيبة ديمه
كم اثرفنان جمالها ... خلا قلبو عليها غيمه
ساااااااب ديارنا وفاتنا يا طير
مالو فــــــات اهلو وديارو
والفراق بتقولو عيونو
قسمة ما كانت بإختيارو
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
يلا لتوتيل نزورها
والجبل نسعان خدارو
حتى السواقي بكت معاي
شاركت في وداع قطارو
ــــــــــــــــــــــــــــــــــــــــــــــــــ ـــــــــــــــــــــــــــــــــــ
فارق ارض القاش وروح
خلا ارض القاش حزينه
قدري ما حولنا نكتم ...جرحنا ونسكت بكينه
تاني ضحكتو يا حيلها
بتملا بيتنا زهور وزينه
يا حبايب الريد تعالو
اخروهو شوية لينا

تـــــــــــــــــواهـ انـــــــا
كلمات الشاعر / عبد الحليم عبد الله
ألحان / على ابراهيم
======================


تواه انا
وكل الدروب جربتها والسنين العشتها
لاوصلت ليك ولا الرجعه تاني عرفتها

فضلت عايش في التياع .. مكتوب على عمري الضياع
من فرقتك يوم الوداع .. ياالذ زول ذوبتنا

حزنت معاي كل الخطى .. وبكيت معاي لون المساء
وشرفتو بالهم والآسى .. ياالز زول في حينا

شديت على قلبي الحنين .. القايلو لي ريدك نسى
ولقيتو بيك زايد جنون .. رغم التباريح والقسى

تواه انا
وكل الدروب جربتها والسنين العشتها
لاوصلت ليك ولا الرجعه تاني عرفتها

أغنــــــية الكنينة
وشاعرها ود النزيها من قرية ساردية شندي
============================

الرمــــــــــــية:
يا ريح الصبا الجيتينا من أبوسالف
وكيف حال خيولاً سيدا عابد وكالف
أنا الخلاني فوق نيران جهنم خالف
حار بالحيل فراق الزول بعدما يوالف

الكنينة
الكنينة يا رُطب الجنينة
الله لينا

الكنينة الدارا أخمجيها
الكنينة والروبا تليها
الكنينة وخلق الله أنجضيها
الكنينة والدنيا شن فيها
بنريدا ونموت نخليها
كُر علينا

الكنينة يا شتلا يا دُقاقه
الكنينة ياالنارك حراقه
الكنينة خلق الله مشتاقه
الكنينة دي الدنيا فراقه
بنريدك ومتين بنتلاقه
تعومي لينا

الكنينة الكنينة بت بله
الكنينة وأدي الشعر تله
الكنينة ومسختي خلق الله
الكنينة في نارا بتقلّه
بنريدك وادي العريس طلّه
الرشا لينا

الكنينة وقلبي داب حته
الكنينة وفارقتا لي الجته
دا الناجضنا في شندي المحطه

الكنينة يا شبه الأرايل
الكنينة ويا المحلب الشايل
الكنينة وغِصينك المايل
الكنينة وماهماني في القايل
بنريدا وفيها الثمار شايل

الكنينة يا بت مالك
الكنينة وناجضا الخلق مالك
الكنينة وأديني شبالك
الكنينة وختيني في بالك
بنريدك دي الدنيا دايمه لك
نحن إنتهينا

سايــــــــــــق الفيات
للشاعر / ابراهيم العبادي
===============================
يا سائق الفيات
عود بي وخُد سندا
وبي الدرب التحت
تجاه ربوع هُندا
يا السايق الفيات

بوصيك قبُل تبدأ
سيرك وداك طريقك
سابق الربده
منك بعيد جبدّا
حي هُندا المراد
ميل بي ربوع عبده
يا السايق الفيات

أطوي الأرض وأضرع
من أفكارنا سيرك
يا الفيات أسرع
ميّل علي المشرع
لا تريع القطيع
بتجفل ألادرع
يا السايق الفيات

شوف سايق الفيات
الليلة كيفن هاش
والشدر والكُبار
بقى شوفنا ليهو طشاش
قول دحين وين ماش
فارقتا الطريق
إتيامن الرماش
يا السايق الفيات

شقا حشا الطريق
وإتيمم الحللال
زفنو الكِلاب
ما نالن إلا علال
فاضلات ثواني قُلال
بينك والغروب
داك مشرع الشلال
يا السايق الفيات

يازين الشباب
ياطيب الأخلاق
يا أمين الصديق
والناس علي الإطلاق
من أيدي الصناعة
يبعدو المِعلاق
أنظر لي الطبيعة
ومجد الخلاق
يا السايق الفيات

أنزل يا صديق
وشوف يد القدرة
وشوف حسن البداوة
الما لمس بدرا
وراد النهر هم
أردوني لم أردا
الكاتل الصفار
أم نضرة الخدرا
يا السايق الفيات

شوف النهر مار
بي خشوع تقول هجسان
زي مر المنام
بي مُقلة النعسان
جلة قدرتو
ما أكفر الإنسان
كم ينسى الجميل
كم يجحد الإحسان
يا السايق الفيات

مانفرن تقول
سابق الكلام عرفة
عطشان قلتا ليهن
وصحة البلفا
مافيش كأس قريب
قالن بدون كُلفة
تشرب بي كفوفنا
حتى تتكفى
يا السايق الفيات

مرثية المك ناصر
==========================

فوق ناصر بجر شعري ولِساني مطرّق
جبلي الفيهو من العاديات بدرّق
حصحاص البليلة الجوا فيها محرق
أب صدراً مِتل بحر المحيط الغرق

العِز هيلو أبداً مو جديد وملتّق
توب عرضو البجرجر حشاهّو ماهو ملتّق
عرق الحنضل السربان نداهو وبتّق
في قلوب الرُجال مسمارو جوه مدقدّق

لي المسكين وكت يلقاهّو باين ضرّو
يفرج غمتّو يفقد همومو يسرّو
عقد الجوهر الغالي وبعجب صرّو
يا عيش الصُبر وكت اليتامى ينرو

سباق لي الفضائل بي سخاهو وسرّو
النيل والسحاب بي سيل يمين بقرّو
الدركان من الهويّا بجرو
العدمان يقاسمّو الخير ويكرم شرّو

أبواتو الاسود اللي نباهم ورّو
درب العزّا كتبو لي القبايل قرّو
في اليوم البتقدح نارو ويبرز شرّو
ثابتين كاالجبال لا برجعوا لا بترّو

ماضيي المسوح الرنات بتحزر حرّو
طياع لي البكوس خدو ونفيستّو تغرّو
عاصي الليّا وقعوا العاندوك وإنضرّو
سجم القاصدو يوم حجابك عليهو تصرو

علي إبراهيم اللحو «نوارة فريقنا»