التسجيل مكتبي الرسائل الخاصة الرئيسية البحث الخروج  
آخر 10 مواضيع
دجاج فاسد (الكاتـب : - مشاركات : 2 - المشاهدات : 14 )           »          ﺍﻟﻠَّﻬُﻢَّ ﺻَﻞِّ ﻋَﻠَﻰ ﻣُﺤَﻤَّﺪٍ (الكاتـب : - مشاركات : 11 - المشاهدات : 23 )           »          اتربة في السودان (الكاتـب : - مشاركات : 2 - المشاهدات : 15 )           »          ما اقساك يا ليل (الكاتـب : - مشاركات : 0 - المشاهدات : 24 )           »          2015 عام اضافي للاساس (الكاتـب : - مشاركات : 0 - المشاهدات : 31 )           »          الحوار الوطني (الكاتـب : - مشاركات : 3 - المشاهدات : 29 )           »          اربعة ملايين فدان لمستثمرين خليجيين (الكاتـب : - آخر مشاركة : - مشاركات : 1 - المشاهدات : 101 )           »          فضيحة تحكيم شركة الأقطان.! (الكاتـب : - مشاركات : 0 - المشاهدات : 84 )           »          15 مليون جنيه فطور أسبوعي لوالي الجزيرة (الكاتـب : - آخر مشاركة : - مشاركات : 1 - المشاهدات : 105 )           »          من الذى ينبغى ان يقول (كه) (الكاتـب : - مشاركات : 0 - المشاهدات : 80 )


   
العودة   منتديات الحصاحيصا > «۩۞۩-المنتدي العام-۩۞۩» > المنبر الحر
   

المنبر الحر المنبر المفتوح لمناقشة جميع القضايا

إضافة رد
   
 
أدوات الموضوع إبحث في الموضوع انواع عرض الموضوع
   
قديم 12-18-2011, 03:29 PM   #1


الصورة الرمزية بكري حاج احمد
بكري حاج احمد غير متواجد حالياً

بيانات اضافيه [ + ]
 رقم العضوية : 4
 تاريخ التسجيل :  Oct 2010
 أخر زيارة : 04-21-2014 (02:55 PM)
 المشاركات : 5,429 [ + ]
 التقييم :  147
 اوسمتي
درع الابداع  درع التميز 
لوني المفضل : Cadetblue
Icon8 الشيخ بله الغائب






في إحدى الليالي في أواخر شهر فبراير من عام ثمانية وألفين جمعتني الصدفة بأخ كريم في عاصمة من عواصم الدول العربية فقال لي : أتعرف الشيخ بله الغائب ؟ قلت له : إنه اسم غير غريب على مسامعي ما به ؟ فبداء لي بسرد قصته قائلاً : إنه أحد أفراد الشعب السوداني كان جندياً في الجيش في عهد المايويون تم اعتقاله وأودع السجن حسبما قرأت وسمعت عن الأنظمة العربية لم أتعجب ولم أسأله لماذا إلا أنه جاءني بالغريب بعد أن سكت لبرهة قائلاً يودع في الصباح فيجدوه في المساء خارجاً ويودع في المساء فيجدوه في الصباح خارجاً حينها صوبت كل حواسي معه سائلاً الدية واسطة تخرجه ؟ قال : ليس له سوى الله وجنده قلت ونعم بالله فواصل سارداً بقية القصة علم مدير سجن كوبر ( من أكبر السجون بالسودان) بقصة هذا الشيخ فطلب تحويل الشيخ إلى كوبر وقد كان ما أراد مدير السجن وفور وصول الشيخ إلى كوبر مر بمدير السجن فقال له المدير وجدت سجون الأقاليم غير مصونة ومحروسة ففعلت فيها أفاعيلك اليوم أنت في كوبر … فأستوقفه الشيخ سائلاً أين نميري (أي الرئيس السوداني حينها ) فرد المدير بسخرية في القصر الجمهوري فإذا بنميري بعد لحظات وجد الشيخ واقفاً خلفه سأله نميري ببروده المعهود من أنت ؟ رد الشيخ أنا الشيخ بله الغائب قال نميري : لقد سمعت عنك ماذا تريد ؟ قال الشيخ أريد أن تتركوني في حالي قال نميري : لك هذا حينها تم تسريحه من الجيش وتفرغ للعبادة والسياحة في الوديان والجبال بعدها سألته هل التقيت به ؟ قال : في إحدى المرات قمت بزيارة إلى قريب لي وأتى شخص لم أكن أعرفه فإذا بأهل الدار تركوني وحدي معه خرجت لأحضر له ماء يشربه حينها وجدتهم يذهبون ويجيئون وفي يد أحدهم إناء فارغ تعجبت لأمرهم ما بكم ؟ قالوا من بالداخل هو الشيخ بله الغائب لم أسمع به من قبل فأخذت الإناء منهم وملأته ودخلت به له وقلت له خذ فأجاب يا هذا لما أنت طماع هكذا اذهب وانقص الماء فعلت ما أراد ورجعت له قال : اذهب وادخلها الثلاجة فعلت هذا ولما أتيت جلسنا قليلاً جيئي بالشاي قال لي احدهم صب الشاي فأستوقفه الشيخ انتظر لحظة قم يا أبو العباس واحضر الإناء قال لي لم أكن أحب السكريات عموماً وكنت كثير الشكوى من بطني أحضرت الإناء فقال لي افتحه فإذا به عسل نحل تعجبت صب لي منه في كاس صغيره لعقته حتى آخره ولم أجد ألذ منه من حينها ولله الحمد لم أشكو من بطني حتى الآن . سألته أين هو الآن قال : يقال أنه بإحدى مدن السودان تفرغ لعلاج الناس والله أعلم .




 
 توقيع : بكري حاج احمد

مواضيع : بكري حاج احمد



رد مع اقتباس
قديم 12-18-2011, 03:40 PM   #2


الصورة الرمزية بكري حاج احمد
بكري حاج احمد غير متواجد حالياً

بيانات اضافيه [ + ]
 رقم العضوية : 4
 تاريخ التسجيل :  Oct 2010
 أخر زيارة : 04-21-2014 (02:55 PM)
 المشاركات : 5,429 [ + ]
 التقييم :  147
لوني المفضل : Cadetblue
افتراضي



ونسة مع زول ما عادى .. الشيخ بلة الغائب:
عندى حكومة من الجن المسلم الكافر
اتونس معاه خليفة حسن بلة
* منذ زمن ابحث عن الشيخ بلة الغائب لما يحيط به من اسرار .. تجددت الرغبة بعد ما قريت بياناته الاخيرة يدعو فيها للتوحد والتكاتف فى خطوة جريئة وجديرة بالاحترام والاعجاب … وبسهولة جدا توفر لى اللقاء به هذه المرة وان كان هناك عجلة الا اننا ننوى العودة مرة أخرى ..
أبو جلابيه وسديري
أبو جلابيه وسديري
* * فى البداية منو هو الشيخ بلة الغائب؟
* = بلة الغائب مواطن سودانى عادى جدا
* * الغائب دة اسم ام لقب ؟
* = لا الغائب هو اسم واسم جدى ابو العائلة كلها وهو رجل دين ونحنا اسرة دين اما انا اقول ليك انى زول عادى
* * بالعكس تماما انت ما زول عادى وممكن اختصارا لكلام كتير وجدل طويل اوصفك بى انك زول خارق
* = اولا جزاك الله خير رغم انى ما داير اتكلم فى المواضيع دى الان لكن مافى مشكلة اقول ليك المولى عز وجل قال وفضّلنا بعضكم على بعض .. وانا احمد الله اسرتى رعتنى من صغرى وخلتنى احفظ القرآن وبالتجويد كمان والاحاديث النبوية وانا ما زلت تلميذ صغير
* * بيحكوا عنك قصص خيالية .. قادر تحدد لينا بداية القصص دى او الكرامات زى ما بقولوا عنها بعض الناس ؟
* = ايوة يا اخى ودى كانت بداية مشاكلى مع الناس .. بعد حوادث الجزيرة ابا فى مواجهتهم مع مايو اعتقلونى مع آخرين وودونى الحراسة
* * التهمة شنو؟
* = قالوا انا من الناس الدخلوا السلاح للجزيرة ابا للمجاهدين هناك
* * وهل فعلا انت قمت بى دة ؟
* = لا والناس العملوا كدة اعترلافوا وقالوا ليهم بلة ما معانا
* * وانت اصلا من الجزيرة ابا ؟
* = لا انا من جنوب كردفان ووالدتى عركية من ابو حراز مدنى وهى بت الشيخ محمد ود يونس
* *وكيف وصل ابوك من كردفان لمدنى ؟
* = ابوى كان طالب علم وجلس فى ابوحراز عند اهلك العركيين وحفظ والشيخ اعجب بيهو شديد وقال ليهو انا ما عندى حاجة اكافئك بيها الاانى اعرس ليك بتى وقال ليهو قبلت دى القصة
* * نرجع للسلاح والجزيرة ابا ؟
* = ايوة .. المهم قبضونى وكلبشونى ودخلونى الحراسة انا هنا اتهيجت لأنى انا من ما قمت ما عملت غلط ودة كان امتحان وقربت افشل فيه لأنو ربنا بقول من كان مع الله فان الله معه .. معناه انا ما مفروض اتضايق او اثور مفروض اصبر .. غايتو بى اختصار كدة وقت نادى المؤذن لصلاة الظهر اتفكت منى الكلابش وطلعت من الحراسو وجو لقونى مافى
* * كيف اتفكت .. عملت شنو انت عشان تتفك منك ؟
* = الا بذكر الله تطمئن القلوب… انا يا اخى الكريم من ما قمت بذكر ربى وعندى اوراد كتيرة .. ودة ما صلاح دة ذكر
* * انا بسأل بالضبط اللحظة قبل ما تنفك منك الكلابيش وتنفتح الزنزانة ؟
* = هى ما انفتحت .. لكن انا بس فى سرى قلت يا ربنا انت قلت وقولك الحق من اتقانى جعلت له مخرج يا رب انا من ما قمت لا هتكت عرض زول لا سرقت لا زنيت ولا اكلت حق زول وانا من ما قمت فى تقواك اين مخرجك الان يا ربى
* * أها ؟
* = والله ما اشعر الا بى نفسى أقل من حجم النملة وقعت منى الكلابيش براها ومرقت والناس قاعدين قدام الحراسة .. وقت بقيت برة الحراسة حسيت بى دوشة شوية كدة لكن بعدها بقيت عادى
* * وهربت ؟
* = اشرد يعنى ؟ لا طبعا مشيت المسجد صليت الظهر وبقيت قاعد منتظر العصر و اتاريها الدنيا انقلبت برة
* * ومشيت وين؟
* = ضابط شافنى فى المسجد رجع كلمهم جو لقونى فى الركعة الاخيرة من صلاة العصر وقبضونى قلت ليهم يا جماعة انا مرقت اصلى وراجع ساقونى تانى
* * وقفلوك تانى ؟
* = جابونى للعقيد اسمو ميرغنى سليمان خليل ود ناس عبدالله خليل قلت ليهم يا جماعة لا اله الا الله كلهم قالوا محمدا رسول الله .. قلت ليهم يا اخوانا جانى الامر انى تانى ما اقعد فى الحراسة والله تقفلونى بى هنا اطلع بى هنا وما فى خوف منى
* * ووافقوا طبعا ؟
* = لا بالعكس ضحكوا على كلامى وقام العقيد قال ليهم اقفلوه جوة وختو عليه الكلابيش وادونى المفتاح وفعلا تم دة كلو بعد ربع ساعة بس فتحو الحراسة لقوا القيد والكلابيش قاعدة والطبلة مقفولة وانا مافى
* * كنت وين ؟
* = جو لقونى قاعد فى المسجد … غايتو لأنو القصة طويلة اختصرها ليك .. انتشر الخبر والناس بقوا يتوسموا فينى الخير اى زول عندو مشكلة بجينى اديهو الفاتحة يجينى بعد فترة يقول انو امرو انقضى والحمدلله بقى اى زول داير علاج او عندو مشكلة يجينى ومن هنا اتخلقت مشكلتى العملتوا والما عملتوا بقولوا سويتو انا
* * لكن انا سمعت انو انت عندك علاقة كبيرة مع الجن ؟
* = نعم ومن ما قمت انا يا اخى خليفة عندى علاقة متينة مع ملوك الجن ودى انا بعتبرها نعمة واما بنعمة ربك فحدّث..
* * من متين بالضبط كدة ؟
* = من عمرى 12 سنة ولغاية الآن لحظتى الهسة دى
* * علاقتك مع الجن المسلم طبعا
* = حتى الجن البضل الناس اللى هو السفلى عندى معاه صلة
* * لكن يا شيخ بلة ممكن لمسلم يتعامل مع سفلى ؟
* = انا شخصيا مسيطر عليه بمعنى انو ما يقدر يضلنى لكن انا اوظفه فى الخير عنى هو تحت امرى
* * انت زاتو كيف قدرت تسيطر على عالم زى دة ؟
* = انا من صغير لانو ابوى كان بملك عدد من الجن وحتى الروحانيين العلويين وابوى كانت عندو علاقة كبيرة مع الشيخ المكاشفى والشيخ عبدالله العركى الكبير .. وورثت الجن دة من ابوى وانا بعتبرهم اصدقاء وبوظفهم
* * يعنى ممكن نقول عليهم حكومة ؟
* = ايوة بالضبط كدة ممكن تقول انهم حكومتى وفيها المسلم والوثنى وغيره
* * ……………………؟
* = عمر البشير مسلم و بتلقى فى حكومته المسلم والمسيحى وبتلقى معاه ناس من حزبو ومن غير حزبو ؟ دة برضو بحصل معاى فى حكومتى
* * علاقتك بيهم كيف؟
* = علاقة خوة وصداقة لو واحد غاب منى بتفقدو ولو واحد اصابو مرض بزوروا فى محلو … وهسة البحرسوا بهايمى فى مزرعتى اخوانى فى الله ديل
* * يعنى معناها بتلاقيهم عيانا بيانا ؟
* = بسم الله الرحمن الرحيم يا اخى زى ما قاعد معاك هسة ولو جيتنى فى مزرعتى فى الباقير بتلقاهم معاى عادى جدا .. انت زورنا بس دون مسجلك وكاميرتك دى
* * وشكله مخيف زى ما بصوروه لينا ؟
* = لا يا اخى عادى جدا .. المخيف داك من المردة و بعيش فى الاماكن القذرة
* * شنو حكاية مثلث برمودة ؟
* = انا قبل كدة جاوبت على السؤال دة وقلت لى واحد دى لا جاذبية ولا حاجة انما دة تحدى من ملوك الجن للولايات المتحدة الامريكية واقيف فى النقطة دى هنا ولو جيتنى زيارة نتكلم فى الموضوع بس ما فى لقاء صحفى لأنو دى اسرار انا ما بحب احكى عنها
* * ليه ؟
* = لأنى لوحكيت عنها فى ناس حتخاف منى وانا بعتبر ربنا جابنى رحمة لناس المليون ميل مربع .. وخلينا نقيف فى النقطة دى
* * جدا وننتقل معاك لنقطة تانية
* .. انت سياسى ؟
* = لا انا مواطن عادى زى ما قلت ليك وما بنتمى لأى حزب لا امة لا اتحادى لا شيوعى لا حركة شعبية
* * ولا مؤتمر وطنى؟
* = حتى هذه اللحظة انا لا انتمى لأى حزب سياسى لكنى مواطن متابع
* * لكن ما فى مواطن عادى بكتب بيانات وينشرها على نفقته الخاصة فى صفحات كاملة
* = لأنى لقيت الكيل طفح .. الكيل طفح يا اخى خليفة
* * من متين ؟
* = خلينى اسرد معاك تاريخنا سريع
* * اتفضل
* = عبود جاء وأدى الناس امل لكن ما خلوهو وجاء نميرى والناس
* * ليه فطيت ثورة اكتوبر ؟
* = ايوة جات اكتوبر وبى احزابها وبعدين عملوها لينا كلها دة ود عمى ود ود خالتى ود اخوى وقسموها وطلعنا بدون حمص وفشلت .. اها جاء نميرى وعمل .. لكن برضو قامت فئة دخلت لأبناء المليون ميل مربع انو نميرى دة انسان خاين وما حينهض بيكم وسمعوا الكلام وغيروا الوضع وفى الآخر جو ندموا
* * على الانتفاضة ؟
* = ايوة ندموا عليها .. وربنا لطف وقام سوار الدهب وحفظ الامن للبلد كتر خيرو .. لكن للأسف جات تانى الاحزاب وطلعنا برضو بدون حمص
* * كأنك عندك راى فى السيدين ؟
* = شوف يا اخى الصادق المهدى نعم جدو المهدى حارب وناضل وحرر السودان ومابننكر وابن السيد على برضو ابوه شارك ويقال انو جدو الرسول صلى الله عليه وسلم وانا ما متأكد لكن سمعت كدة وببحث هسة فى الامر دة ومن هنا اقول ليك انا بحترم الاتنين رغما عن انفى .. اها جاء البشير


 
 توقيع : بكري حاج احمد

مواضيع : بكري حاج احمد



رد مع اقتباس
قديم 12-18-2011, 03:41 PM   #3


الصورة الرمزية بكري حاج احمد
بكري حاج احمد غير متواجد حالياً

بيانات اضافيه [ + ]
 رقم العضوية : 4
 تاريخ التسجيل :  Oct 2010
 أخر زيارة : 04-21-2014 (02:55 PM)
 المشاركات : 5,429 [ + ]
 التقييم :  147
لوني المفضل : Cadetblue
افتراضي



* * الزمن الجاء فيهو البشير وقت مناسب ؟
* = يا اخى عمر البشير وقت جاء واستلم زمام الأمور لقى خزنتك فاضية والسودان كان ماشى فى هاوية .. ياخى نسوانا واخواتنا بصحو الساعة اتنين صباحا يمشو يختو الطوب فى صف الرغيف ولو واحدة لقت طوبتها زحوها الشمطة تقوم .. ونحنا كنا بنبيت فى صف البنزين وبنشرب الشاى والقهوة بالبلح .. عليكم الله خلونا نقول الحق سيبونا من جبهة اسلامية او اخوان مسلمين او اى مسميات بوصفوا بيها عمر البشير ونقيف معاه فى حاجة واحدة بس انو هو زول بقول لا اله الا الله محمدا رسول الله دى مفروض تخلينا نتناسى خلافاتنا كلها ونقيف معاه ولأنو حقق انجازات
* * ……………………..؟
* = نفس الحصل زمان انا شايف فى ناس قاموا تانى يوزوا فى اولاد الحلال ويقولو ليهم السودان بالطريقة دى ما بمشى لى قدام
* *بتتهم منو ؟
* = ناس الاحزاب والطابور الخامس وديل حيخلونا نخم ونصر وحنشرب بى سببهم الموية بى دودها وما نروى
* * يعنى يا شيخ بلة انت مع عمر البشير قلبا وقالبا ؟
* = ايوة دة يا اخى خليفة زول وطنى اولا هو لا عندو فاطمة لامحمد يخاف عليهم كان اسهل ليهو يسوق مرتو ويمشى اى مكان يعيش فيه منعم وسالم ومرتاح لكنو لا زول وطنى وحارق دمو معانا .. حقو اى واحد مننا يفتح عيونو ويراقب اولاد الحرام الدايرين يضيعوا السودان
* * طيب انت شايف شنو فى مستقبل البلد دى ؟
* = السودان دة ما فى اى دولة حتحصلوا فى الثروة والرخاء ولا حتى دول الخليج زاتها
* * وبالنسبة لى امريكا ومجلس الأمن؟
* = لالالا امريكا ما جاياكم ما تخافوا
* * الايام دى اظنك سامع بالقوات الاممية ؟
* = يا ابنى مافى اى قوات دولية خاشة عليكم .. ودة خليهو سر بينى وبينك
* * لو سمحت لى ننشرو على الاقل دة امكن يطمئن الناس
* = قول ليهم ما فى اى قوات خاشة لا فى غرب السودان لا العاصمة دى بالونة اتقدت ليها خمسة ستة يوم
* * ممكن توظف اصدقاءك من الجن فى انهم يقيفوا معاك فى حرب ضد قوات معتدية ؟
* = لا حولة ولا قوة الا بالله .. بتعرف حاجة اسمها النحل ؟
* * ايوة
* = اها النحلة دى عندها عضة بتقتل خاصة الزول العندو حساسية وانا فى مقال اتنشر الاسبوع الفات كتبت فيه نصيحة لى بوش قلت ليهو اذا اراد الله واتصادمنا ? لا قدر الله- امريكا هى الخسرانة
* * كيف ؟
* = بالنحل بس
* * كيف؟
* = اتخيل نفسك سايق طيارة او شايل مدفع وهاجمك نحل وبعضعض فيك .. بتقدر تواجهه؟ دة شغل الجن بتاعنا ما فى قوة اقوى منو الا الملائكة
* * طيب بنفس الفهم دة ممكن واحد يقول لينا امريكا زاتها عندها جن ؟
* = مالو ممكن هم برضو اهل كتاب خليهم يطلعوا جنهم وانحنا الأقوى والجن المسلم اقوى من جنهم
* * دة بالنسبة للحرب .. غير كدة ممكن توظف الجن فى شنو ؟
* = يا اخى انا وظفت الجن عشان يسلم مسيحيين ويهود
* * مثلا ؟
* = انت ما سمعت قصتى مع الصحفى اللبنانى سليم اللوزى ؟
* * لا
* = احكيها ليك .. سليم اللوزى جانا ايام مايو عشان يعمل حوارات وشغل من هنا لصحفه فى بيروت اتعرفت بيهو وفى جلسة كان حاضرها صديقه احمد سليمان المحامى وكان وزير العدل الوقت داك قام سليم اللوزى قال لى الاسلام ما على حق والمسيحية ما على حق والكون دة فى حاجة مسيراه ..بعدين ما مصدق حكايتى مع الجن والعالم دة .. قلت ليهو اسمع يازول انت بيتك وين ؟قال لى فى بيروت قلت ليهو اعز حاجة فى بيتك شنو ؟ قال انو هو اتزوج قبل ستة شهور واعز حاجة عندو صورة الزواج بتاعته لأنو بحب زوجته شديد .. قلت ليهو وصف لى بيتك وفعلا وصف لى وبمجرد ما انتهى من الوصف كانت الصورة وصلت وتكلوها فى كرسى جنبنا وبعد ما انتهى قلت ليهو الصورة زى دى ؟ وقف شاف الصورة طوالى قال لأحمد سليمان انا داير اتوضأ وفعلا اتوضأ واسلم ورجع لبنان وهناك كتلوه
* * ……………………..؟
* = القصة التانية كانت مع ديفيد اليهودى
* * ودة الجابو ليك شنو ؟
* = دة جا من امريكا عشان يفرش قاعة الصداقة موكيت كدعاية لشركاته فى امريكا .. اللواء محمود عبدالرحمن الفكى عليه رحمة الله كان هومدير القاعة وديفيد بلقاهو كل يوم بصلى فى المكتب النافلة قام سأله محمود جاوبو قام قال دة كلام ساكت ما فى دين لا اسلام لا مسيحية .. محود قال ليهو انا بجيب ليك واحد يناقشك
* * وجابك انت ؟
* = ايوة جانى محمود زعلان قال لى فى يهودى قال كلام صعب دايرك بكرة تجى تناقشو وفعلا جيتهم فى مكتب محمود وكان معاه ناس كتار منهم ابوالقاسم محمد ابراهيم وخالد حسن عباس وزين العابدين محمد احمد عبدالقادر ومحمود .. جيت خاشى سلمت عليهم وابيت اسلم عليه
* * ليه؟
* = سألنى هو زاتو وقلت لأنك ما طاهر وما صليت الصبح .. قال لى انا ما مسلم الجماعة قالوا لى سلم عليه وبدينا نتناقش وسألتو عن اعز حاجة فى بيتهم ممكن اجيبها ليهو بسر القرأن قال انو الرئيس الامريكى كارتر اهدانى هدية عبارة عن شجرة فيها كل اسماء فروع الشركة فى امريكا لفوزنا باحسن شركة وبرضو وصف لى الفيلا بتاعته فى كاليفورنيا وبمجرد ما انتهى الوصف كانت الهدية قدامنا
* * وآمن ؟
* = اول حاجة استاذن من محمود عشان يتصل من تلفون المكتب على زوجته فى كاليفورنا لانو ما كانت فى موبايلات وفعلا زوجته ما لقت الهدية فى مكانها قام قال ليها ما تنزعجى ابونا جابها لينا هنا وهى معاى هسة والزول داك فى لحظته اسلم ولحقتو مرتو
* * وعلاقتك بيهو ما زالت مستمرة ؟
* = طبعا يا اخى والموبايل الشايلو دة منه وكل خمسة ستة شهور برسل لى موديل جديد وامكن هسة عندى اكتر من تلاتين موبايل وصدقنى لو قلت ليك يوميا بتصل على وبنتواصل وحتى انو اتعلم عربى وسمى نفسو على ومشى مكة وزن نفسه واتصدق بى وزنو دهب وعمل نفس العملية دى فى المدينة المنورة
* * وآخر ما تحب تقولو لمن يقرأ هذه الونسة ؟
* = نتوحد ونتفق على العدو الخارجى وكرسى الحكم دة ما شرط الا نقعد فيهو كلنا .. معقول يا جماعة اى زول الليلة يشيل سلاح ضد اهل بلده .. ونشتم بلدنا ؟ دة ما صاح ولا يجوز وحقو الناس يكبرو على الحاجات الصغيرة .


 
 توقيع : بكري حاج احمد

مواضيع : بكري حاج احمد



رد مع اقتباس
قديم 12-18-2011, 03:47 PM   #4


الصورة الرمزية بكري حاج احمد
بكري حاج احمد غير متواجد حالياً

بيانات اضافيه [ + ]
 رقم العضوية : 4
 تاريخ التسجيل :  Oct 2010
 أخر زيارة : 04-21-2014 (02:55 PM)
 المشاركات : 5,429 [ + ]
 التقييم :  147
لوني المفضل : Cadetblue
افتراضي



كشف الشيخ بلة الغائب عن المناطق التي توجد فيها مناجم الذهب وقال بان ولايتي نهر النيل والشمالية من اكثر المناطق الصحراوية في السودان تحظى بمناجم الذهب واوضح بأن مناجم الذهب في هذا الوطن تكفي اهل السودان لألف عام قادم . ومن خلال جولته قال الشيخ بله بان صحراء مدينة ابو حمد هي منطقة بها اطنان لاتحصى ولاتعد من الذهب وعاد وقال لو كان المواطن الذي يذهب لتلك المناطق بغرض جلب واستخراج الذهب من باطن الارض ، لو كان يعلم بأن هذه المناطق مملوكة لمن لما خاطر بنفسه بالذهاب لتلك المناطق حتى اذا كان يكسب في اليوم الواحد اكثر من سبعة كيلو ذهب!! ومن ثم كشف الشيخ بلة الغائب بان مناطق الذهب مملوكة للجن وقال البعض من الناس ظهرت لهم بعض الاشياء الغريبة في مناطق الذهب . وقال الشيخ بله الغائب عن الشباب الذين حضروا له من مناطق الذهب والذين شاهدوا الذهب امامهم بكميات كبيرة ولكن لم يوفقوا في اخذه نسبة للاصوات التي كانت تناديهم وكانت تقول لهم باسمائهم تمنعهم من حمل الذهب الذي كان امام اعينهم حسب قوله واكد له الشباب بان مصدر الاصوات الغريبة لم تكن مالوفة لهم ولم يكن يجاورهم احد في تلك الصحراء الجرداء وعن الناس الذين استفادوا قال الشيخ بله هذا هو اكرام رباني وان الله سبحانه وتعالى حفظهم برعايته وقدر لهم ان يكسبوا الكميات التي تحصلوا عليها من اجل تحسين اوضاعهم وربنا هو الذي قد لهم هذا التحول الكبير . واوضح الغائب بان هذه المناطق مملوكة بل وبها ممالك كبيرة جدا من الجن وهؤلاء الجن حراس لهذا الذهب لذلك دائماً مانجد الحوادث المختلفة في مناطق الذهب وان معظم الحوادث تحدث من الجن لان الباحثين عن الذهب يقومون بحفر الارض واقتلاع الذهب من الارض ومن ايدي الجن الذين يحرسون هذا الذهب منذ ازمان بعيدة وبحسب صحيفة الدار فجر الشيخ بله الغائب مفاجأة خطيرة حيث اوضح في حديثه أن مناطق الذهب من ولاية كسلا وحتى عوينات مملكة يتراسها ملك الجن الكافر شمهروش


 
 توقيع : بكري حاج احمد

مواضيع : بكري حاج احمد



رد مع اقتباس
قديم 12-18-2011, 04:03 PM   #5


الصورة الرمزية بكري حاج احمد
بكري حاج احمد غير متواجد حالياً

بيانات اضافيه [ + ]
 رقم العضوية : 4
 تاريخ التسجيل :  Oct 2010
 أخر زيارة : 04-21-2014 (02:55 PM)
 المشاركات : 5,429 [ + ]
 التقييم :  147
لوني المفضل : Cadetblue
افتراضي



انتابت رئيس حكومة الجنوب رئيس الحركة الشعبية، الفريق أول سفاكير ميارديت، حالة من القلق تعزز ما يتم تداوله على نطاق واسع في ما يتصل بإيمانه بالغيبيات بُعيد اطلاعه على تكهنات العراف الشيخ الصوفي (بلة الغائب) التي توقع فيها تصويت الجنوبيين للوحدة بنسبة عالية وهروب سلفاكير في التاسع من يناير إلى دولة مجاورة - طبقاً لتأكيدات مصادر (الأهرام اليوم).
وكشف بلة الغائب للصحيفة أمس (السبت) عن مكالمة هاتفية تلقاها من رئيس قطاع الشمال بالحركة، ياسر عرمان، أمس الأول (الجمعة) وقال إنه حذره خلالها من كشف أسرار اللقاء الذي تم بينه وسلفاكير عام 2008م. وأضاف الغائب لـ(الأهرام اليوم) أن «عرمان نقل لي تحيات سلفاكير ودعوتي إلى زيارة الجنوب لأتأكد أن كافة الجنوبيين مع الانفصال، كما نقل لي انزعاج سلفا كير من تكهناتي». وتابع الغائب: «حمّلت عرمان رسالة الى سلفاكير تؤكد تصويت الجنوبيين للوحدة بنسبة (66%)». وأوضح الشيخ بلة الغائب، الذي يتحدث الناس على نطاق واسع عن علاقاته بالجن، أن عرمان أعرب عن سخطه وغضبه على إفاداته ووصفه بغير المؤتمن. وأردف بلة أنه أكد لعرمان أنه لا يخشى إلا الله، وكشف عن رفضه عرضاً سابقاً وإغراءات قدمتها له الحركة ليكون رئيساً لها بمنطقة سوبا. ورداً على المتشككين في قدراته الروحية قال الغائب إنه ينهل من عالمه الخاص القائم على (العطية الإلهية) وأنه لا يطلق معلومات في الهواء، وطالب بخروج مسيرات مليونية في الجنوب والشمال داعمة للوحدة.
يذكر أن كبريات الصحف العربية تسابقت على نقل خبر تكهنات بلة الغائب، التي انفردت بها (الأهرام اليوم)، ومن بينها (الأهرام) و(المصري اليوم) المصريتان، ولكنهما لم تشيرا إلى مصدر الخبر الذي نقلتاه عن وكالة أنباء الشرق الأوسط المصرية.





 
 توقيع : بكري حاج احمد

مواضيع : بكري حاج احمد



رد مع اقتباس
قديم 12-18-2011, 04:06 PM   #6


الصورة الرمزية بكري حاج احمد
بكري حاج احمد غير متواجد حالياً

بيانات اضافيه [ + ]
 رقم العضوية : 4
 تاريخ التسجيل :  Oct 2010
 أخر زيارة : 04-21-2014 (02:55 PM)
 المشاركات : 5,429 [ + ]
 التقييم :  147
لوني المفضل : Cadetblue
افتراضي



بلة الغائب: « منجم» سوداني حلم بسقوط القذافي وساعد بلير وساركوزي ويتوقع تغير الدعم الروسي لدمشق


كشف بلة الغائب المقرب من الرئيس الراحل الأسبق جعفر نميري، والمعروف بحكاياته مع هذا الرئيس لـ”الشرق”، عن علاقته بزعيم تنظيم القاعدة الراحل أسامة بن لادن.
وقال “لم أكن أتوقع يوماً ما قيامه بعمليات إرهابية، لأنه كان يبدو رجلاً وديعاً ومسالماً، ولكن نظرتي تجاهه تغيرت تماماً بعد أحداث 11 سبتمبر، ولم أعد متعاطفاً معه لأنني أكره العنف وأدينه بشدة”. وأوضح الغائب أن بن لادن حضر إليه في المنزل وأبلغه بطلب السلطات مغادرته الأراضي السودانية، وقال “طلب مني التدخل في الأمر لكني رفضت”.
وحول علاقته بالزعيم الليبي الراحل معمر القذافي قال “حلمت بجراد يأكل أطراف ليبيا، وفي الحال أبلغت عبدالله زكريا مسؤول اللجان الثورية في السودان والقائم على ملف الكتاب الأخضر، وقلت له إن القذافي حكمه قد أوشك على النهاية، ويجب عليه إجراء مزيد من الإصلاحات وإطلاق الحريات وإلا فإن ثورة شعبية ستطيح به، وفي الحال استجاب زكريا لحديثي وسافرنا إلى ليبيا، وفي البداية لم نقابل الزعيم الليبي بل قابلنا نجله سيف الاسلام، وقصصت عليه رؤيتي، فضحك بصورة هستيرية ونصحنا ألا نبلغ والده القذافي بذلك لأنه سيغضب غضباً شديداً، إلا أن عبدالله زكريا أصر على مقابلة القذافي، وأخبرته برؤيتي ونصحته ولم يستجب، بل غضب وأزبد وتوعد من يجرؤ على الإطاحة به، وسافرت في نفس الليلة بأقرب طائرة متوجهة إلى الخرطوم”.
وسرد الغائب حكاياته مع زعماء العالم، وقال إن الرئيس الأمريكي جورج بوش الابن طلب مقابلته خارج الأراضي السودانية، وتم نقل طلبه من خلال رجل الأعمال السوداني المعروف في مجال النفط بأمريكا خضر الشريف، “لكني لم أستطع السفر خارج الأراضي السودانية حينها لارتباطات خاصة بي”.
أما الرئيس الفرنسي جاك شيراك والبريطاني توني بلير فطلبا مني علاجاً خاصاً بهما، حيث طلب بلير مطالب تتعلق بأسرته، فيما طلب شيراك علاجاً خاصاً له.
وتوقع الشيخ بلة الغائب تغيراً كلياً في الموقفين الروسي والصيني تجاه ما يحدث في سورية، وقال “أتوقع أن يتغير الموقف الروسي المتعاطف مع النظام السوري وأن يتبدل إلى التضامن والانحياز التام للموقف الشعبي في سورية”. وتوقع استمرار حكم البشير إلى أن يكمل فترة 31 عاماً و25 أيام.



 
 توقيع : بكري حاج احمد

مواضيع : بكري حاج احمد


التعديل الأخير تم بواسطة بكري حاج احمد ; 12-22-2011 الساعة 09:34 PM

رد مع اقتباس
قديم 12-18-2011, 04:11 PM   #7


الصورة الرمزية بكري حاج احمد
بكري حاج احمد غير متواجد حالياً

بيانات اضافيه [ + ]
 رقم العضوية : 4
 تاريخ التسجيل :  Oct 2010
 أخر زيارة : 04-21-2014 (02:55 PM)
 المشاركات : 5,429 [ + ]
 التقييم :  147
لوني المفضل : Cadetblue
افتراضي



شخصية جديرة بالإهتمام


الشيخ بله الغائب مواطن سوداني وطني غيور على هذا التراب.. وهو من الذين خصهم الله بميزات لا تتوفر إلا لقلة في هذا الوطن، ولطالما اثار الشيخ بله الغائب الكثير من قضايا الشعب السوداني وادلى بدلوه في وضع الحلول الجذرية لها وذلك من منطلق ما خصه الله به من علم ومعرفة «ولله في خلقه شؤون».. فالرجل ظل على امتداد تاريخ الحكومات السودانية ينادي بضرورة الوحدة الوطنية، ويعلن عن استعداده «متحدياً» كافة مهندسي الجيولوجيا بعلمه التام بكل المناطق التي تحتوي على خام البترول في السودان، وطلب من قبل ان يرافقه كافة المهندسين المتخصصين في هذا المجال وسيشير اليهم الى مكان البترول وغيره من الخيرات الثمينة في باطن تراب هذا الوطن ليس هذا فحسب بل ظل يعالج العديد من الامراض المستعصية عن طريق الاعشاب، كما ظل يحذِّر الفتيات من استعمال الكريمات الكيميائية والتي يعرف سرها جميعها بما خصه الله به من علم.
ولقد ظللت اتابع نشاط الرجل منذ حكومة نميري «البائدة» وحتى يومنا هذا وهو يعلن عن تسخير امكاناته الهائلة لخدمة هذا الوطن الذي يحمله في حدقات عينيه.
انني هنا ادعو الى ان تلتفت الدولة الى الرجل وان تجلس اليه وتستمع الى ماعنده وتختبر تلك المقدرات «الخارقة» الذي اكد امتلاكه لها والتي هي سلاح في وجه المرض والاعداء.. وقد سبق ان قرأت له في بعض الحوارات ان قوات الامم المتحدة اذا حضرت سوف يهزمهم بالنحل.. لماذا لا نستمع بجدية الى هذا الشيخ ونختبر معلوماته فإن وجدناها وفق ما يقول نكون قد اكتسبنا عنصراً او سلاحاً وطنياً وان كان العكس لن نخسر شيئاً.
ان الله سبحانه وتعالى قد خص بعض خلقه بما لم يخص به سواهم لحكمة هو يعملها.. والشيخ بله الغائب والذي كان يوما ما احد المنضوين تحت لواء القوات المسلحة خبير في المجال العسكري والتكتيك و...الخ واليوم يتمتع بخاصية لا علم لنا بها ولكنها قد تكون اضافة فاعلة في تحقيق الامن الاجتماعي والصحي وغيرهما.. فقط دعونا نجلس اليه ونستمع اليه ونختبر امكاناته تلك الخارقة والتي ظل يتحدى بها في كل مجالسه وبعدها نقول كلمتنا فيه برغم انني اشهد الله انني لا اعرف الرجل ولم يسبق لي قط ان التقيت به او جالسته ولكن لفتت انتباهي مقالاته العديدة على صفحات الصحف وهو يخاطب الجهات المسؤولة ورئيس الجمهورية ويدلي بتصريحاته في الشأن العام بكل الشفافية.


 
 توقيع : بكري حاج احمد

مواضيع : بكري حاج احمد



رد مع اقتباس
قديم 12-20-2011, 06:36 AM   #8


الصورة الرمزية محمد حسين الطريفي
محمد حسين الطريفي غير متواجد حالياً

بيانات اضافيه [ + ]
 رقم العضوية : 297
 تاريخ التسجيل :  Dec 2011
 أخر زيارة : 05-30-2012 (09:45 AM)
 المشاركات : 137 [ + ]
 التقييم :  27
لوني المفضل : Cadetblue
افتراضي



بسم الله الصلاة علي رسول الله صلي الله عليه وسلم .
قرات الموضع بتمعن واستوقفتني علاقة الشيخ بالجن. هناك اسرار كثيرة حول هذه الظاهرة
فكثير من الشيوخ يستعينون بالجن في قضاء حاجاتهم واحتياجات من ياتي اليهم لقد كان هناك شيخ
من شيوخ السودان يتعامل مع الجن والروحانيين ولكنه تاب عن هذه الافاعال وعمل الكثير من المحاضرات يكشف فيها اسرار هذا
العمل لا اريد ان اطيل عليكم ولكن ادعوكم لمشاهدت محاضرات الشيخ حامد الساحر التائب علي اليوتيوب لمعرفة خفايا هذه الظاهرة


 
 توقيع : محمد حسين الطريفي

( سبحان الله وبحمده سبحان الله العظيم )


رد مع اقتباس
قديم 12-22-2011, 10:18 PM   #9


الصورة الرمزية بكري حاج احمد
بكري حاج احمد غير متواجد حالياً

بيانات اضافيه [ + ]
 رقم العضوية : 4
 تاريخ التسجيل :  Oct 2010
 أخر زيارة : 04-21-2014 (02:55 PM)
 المشاركات : 5,429 [ + ]
 التقييم :  147
لوني المفضل : Cadetblue
افتراضي



اقتباس : المشاركة الأصلية كتبت بواسطة محمد حسين الطريفي [ مشاهدة المشاركة ]
بسم الله الصلاة علي رسول الله صلي الله عليه وسلم .
قرات الموضع بتمعن واستوقفتني علاقة الشيخ بالجن. هناك اسرار كثيرة حول هذه الظاهرة
فكثير من الشيوخ يستعينون بالجن في قضاء حاجاتهم واحتياجات من ياتي اليهم لقد كان هناك شيخ
من شيوخ السودان يتعامل مع الجن والروحانيين ولكنه تاب عن هذه الافاعال وعمل الكثير من المحاضرات يكشف فيها اسرار هذا
العمل لا اريد ان اطيل عليكم ولكن ادعوكم لمشاهدت محاضرات الشيخ حامد الساحر التائب علي اليوتيوب لمعرفة خفايا هذه الظاهرة










 
 توقيع : بكري حاج احمد

مواضيع : بكري حاج احمد



رد مع اقتباس
قديم 12-25-2011, 10:11 AM   #10


الصورة الرمزية محمد ابوعمر
محمد ابوعمر متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Oct 2010
 أخر زيارة : يوم أمس (05:37 PM)
 المشاركات : 27,969 [ + ]
 التقييم :  203
 الدولهـ
United Arab Emirates
 الجنس ~
Male
لوني المفضل : Mediumblue
افتراضي



يابكري سبحان الله لاتتعجب هنالك اشخاص قد من الله عليهم باسرار كثيرة

وهذه الشيخ بله سبحان الله حسب ماقرأت الان يحمل اسرار كثيرة ومفيدة

نتمني ان يستخدمها لعلاج الناس


 
 توقيع : محمد ابوعمر

مواضيع : محمد ابوعمر



رد مع اقتباس
إضافة رد

   
مواقع النشر (المفضلة)
   

المواضيع المتشابهه
الموضوع كاتب الموضوع المنتدى مشاركات آخر مشاركة
الشيخ عاطف حسن حسن شرشر المنتدى الإسلامي 0 02-07-2013 01:25 PM
الحاضر يكلم الغائب محمد ابوعمر المنتدى الاجتماعى 6 01-06-2013 09:04 AM
الدجال السوداني بله الغائب يؤكد وجود اطنان من الذهب في سجن امدرمان محمدعبده المنبر الحر 1 06-09-2012 03:20 PM
عمر قسم السيد حسن عمر احمد ادريس قسم المكتبات 93 02-05-2012 09:13 AM
الصدى سيف الدين حاج احمد المنتدى الأدبي 0 01-23-2012 03:27 PM


أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


Powered by vBulletin® Version 3.8.7
Copyright ©2000 - 2014, Jelsoft Enterprises Ltd
HêĽм √ 3.1 BY: ! ωαнαм ! © 2010
BY: ! BADER ! آ© 2012
vEhdaa 1.1 by NLP ©2009
 
المنبر الحر